“Ўзстандарт” агентлиги инспекторлари томонидан истеъмол бозорига оид маълумотларни ўрганиб чиқиш ва таҳлил қилиш натижасида сифатсиз ҳамда инсон саломатлигига зарар етказиш мумкин бўлган маҳсулот тури аниқланди.
Ушбу товар юз учун гель бўлиб, номи — Lift gel activateur. NEWA савдо белгиси остида Исроилда ишлаб чиқарилган.
Мутахассисларнинг билдиришича, гель таркибида аниқланган N-нитрозодиэтаноламин (NDELA) моддаси канцероген ҳисобланиб, хатарли ўсмаларнинг пайдо бўлишига олиб келиши мумкин.
