Перу ҳукумати Мадуронинг Америкалар саммитига киритилмаслигига ваъда берди 

Перу ҳукумати вазирлар кенгаши раиси Мерседес Араос Венесуэла президенти Николас Мадуро Лимада 13-14 апрель кунлари ўтадиган Америкалар саммитида иштирок эта олмаслигини тасдиқлади. У бу ҳақда 15 февралда RPP радиостанциясига берган интервьюсида маълум қилди.

“У на Перу ерига, на ҳаво ҳудудига туша олмайди, чунки у исталмаган меҳмондир. Демократик партиялар, Перу халқининг сиёсий овози ҳам бундай авторитар ҳаракатларни рад этади”, деб айтган Араос.

Ўз навбатида Перу конгресси депутатлари Мадуронинг саммитда иштирок этишига қарши акция чақиртилишини эълон қилишди. Акцияни 12 апрелда Лимадаги Сан-Мартин марказий майдонида ўтказиш таклиф этилмоқда.

13 февралда Перу ташқи ишлар вазирлиги Мадурони саммитда иштирок этиш имкониятидан маҳрум этиш қарорини эълон қилган. Буни таркибига 12 та давлат (Чили, Аргентина, Бразилия, Канада, Колумбия, Коста-Рика, Гватемала, Ҳондурас, Мексика, Панама, Парагвай ва Перу) кирувчи Лима гуруҳи қўллаб-қувватлаган. Перу Мадурога юборган таклифини қайтариб олгандан кейин, Мадуро саммитда иштирок этмоқчилигини айтган. Мадуронинг айтишича, у Венесуэла ҳақида ҳақиқатни айтиш учун саммитга керак бўлса “ҳаво, ер ёки денгиз орқали” келишини айтган.

Америкалар саммити Ғарбий яримшар давлатлари раҳбарлари ва бош вазирлари учрашуви бўлиб, 35 та давлатни бирлаштирувчи Америка давлатлари ташкилоти бошчилигида бир неча йилда бир марта ўтади.