Пекин чеккасидаги назорат пунктида маҳаллий полиция янги хавфсизлик қурилмасини - бир зумда юз ифодасини, автомобилларнинг рўйхатдан ўтган белгиларини қайд этувчи ва уларни реал вақт режимида гумон остидаги шахсларнинг маълумотлар базаси билан таққослай олувчи ақлли кўзойнакларни синовдан ўтказади.
LLVision компанияси томонидан яратилган кўзойнак автомобиллар ичидагиларнинг юзларини сканерлайди, улар қонунбузарлар рўйхатидагилар билан тўғри келса, "қора рўйхат"дан чиқариб беради.
"Хитой раҳбарияти қачонлардир интернет-технологиялар ва коммуникацион технологиялар ривожидан хавотирда эди, - дейди China Media лойиҳаси ҳаммуассиси ва Ҳонконг университети оммавий ахборот воситалари соҳаси тадқиқотчиси Дэвид Бандурски. - Ҳозир улар мисолида ижтимоий ва сиёсий назорат учун зарур жиҳозларни кўришмоқда".
Бироқ LLVision ижрочи директори Ву Фэй Хитой фуқаролари конфидициаллик масаласида хавотир олмасликлари мумкинлигини айтди, зеро Хитой ҳукумати бу жиҳозлардан "эзгу мақсадларда" фойдаланмоқда.
