Фото: S7 Airlines
Oneworld глобал авиация альянси иштирокчиси бўлган S7 Airlines 2018 йилнинг 30 апрелидан Москвадан Самарқандга парвозларни бошлайди. Бу ҳақда авиакомпания матбуот хизмати хабар бермоқда.
Домодедово аэропортидан Самарқандга S7 Airlines’нинг тўғридан-тўғри мунтазам рейслари ҳар душанба кунлари амалга оширилади.
Москвадан учиш соат 21:35да, Самарқанд аэропортига қўниш маҳаллий вақт билан 03:35да. Самарқанддан ортга рейс сешанба кунлари 05:05да йўлга чиқади, Москвага 07:20да етиб келади. Парвозлар Airbus A320 замонавий лайнерларида амалга оширилади.
