Нидерландияда марказий турда чемпион аниқланди

«ПСВ Эйндховен» Нидерландия Эредивизиясининг 31-турида «Аякс»ни қабул қилди. Эйндховендаги «Филипс» стадионида кечган учрашув майдон эгаларининг 3:0 ҳисобидаги ғалабаси билан якунланди.

Ўйиндаги биринчи голга Гастон Перейро муаллифлик қилди, у «Аякс» дарвозасини 23-дақиқада ишғол қилди. Люк де Йонг бўлим охирида «ПСВ» устунлигини мустаҳкамлади, иккинчи бўлим бошида Стевен Бергвейн ўйинга нуқта қўювчи голни урди.

«ПСВ» эндиликда, мавсум якунига 3 тур қолганида 80 очко тўплаган ҳолда муддатидан аввал Нидерландия чемпионлигини кафолатлади, «Аякс» 70 очкоси билан иккинчи ўринда қолди.

Қайд этиш керакки, бу чемпионлик «ПСВ» учун тарихдаги 24-чемпионлик бўлди. Бунгача Эйндховен клуби 1929, 1935, 1951, 1963, 1975, 1976, 1978, 1986, 1987, 1988, 1989, 1991, 1992, 1997, 2000, 2001, 2003, 2005, 2006, 2007, 2008, 2015 ва 2016 йилларда Нидерландия чемпионлигини нишонлаган.

Нидерландия биринчилигидаги ғалабалар сони бўйича «ПСВ» иккинчи ўринда, биринчи натижа – «Аякс»га тегишли – 33 марта.

Нидерландия чемпионати
31-тур
ПСВ – Аякс 3:0 (2:0, 1:0)
Голлар: 1:0 – 23 Перейро, 2:0 – 38 де Йонг, 3:0 – 54 Бергвейн.
ПСВ – Зут (Ром, 89), Швааб, Бренет, Арьяс, Изима-Мирен, Перейро, ван Гинкел, Лосано, Хендрикс, Бергвейн (Люккассен, 72), де Йонг (Рамселар, 55).
Аякс – Онана, де Лигт, Тальяфико, Велтман, Вебер (де Йонг, 46), Зиеш (Мазрауи, 85), Шене, Нерес, ван де Бек, Клюйверт, Хунтелар (Дольберг, 69).
Огоҳлантиришлар: Хендрикс (30), Тальяфико (35), Онана (83), Нерес (86).
Четлатишлар: Тальяфико (80), де Йонг (83).