Самарқандда автобусларда тўлов учун пластик карталар жорий этилмоқда

Йўловчиларга қулайлик яратиш мақсадида Самарқанд шаҳридаги автобусларда янги тўлов тури йўлга қўйилди, деб ёзмоқда «Зарафшон» газетаси.

— Ҳозирча 6, 12, 14, 32, 41, 61, 67, 71-йўналишларида қатновчи 70 та автобусда синов тариқасида йўл кира махсус пластик карта орқали тўланмоқда, — дейди Ўзбекистон автомобиль транспорти агентлиги вилоят бошқармаси мутахассиси Фарход Норқораев. — Бунда манзилига етган йўловчи автобус эшиги олдига ўрнатилган «Валидаторы» махсус аппаратига пластик картасини теккизиб, тушиб кетаверади.

Махсус пластик карталар Самарқанд шаҳридаги жетон сотиш шохобчаларида сотилмоқда.

Ушбу пластик картага аввалдан пул ўтказиш лозим бўлади.