Фото: Getty Images
Жорий йилнинг апрель ойида хитойлик тахминан олти минг амалдор халқ маблағларини сарфлашда исрофгарчиликка йўл қўйиш ва бюджет маблағларидан ноқонуний фойдаланиш ҳолатлари учун маъмурий жазога тортилди. Бу ҳақда ХКП Марказий қўмитаси баёнотида айтилади.
Хитой ҳукумати 2012 йил декабрь ойи бошида амалдорлар учун “саккиз қоида”ни тасдиқлади, улар бюрократияни йўқотиш, хизмат ваколатларини суиистеъмол қилмаслик ва маблағларни талон-торож этмасликка йўналтирилган.
Хабар қилинишича, жорий йилнинг апрелида комиссия тегишли қоидаларга риоя этиш бўйича текширувлар доирасида 3922 ишни кўриб чиқди, уларда 5759 амалдорнинг исми бўлган. Улар кейинчалик ҳуқуқбузарлик кўламига қараб маъмурий жавобгарликка тортилди.
