Аргентинада маҳбуслар ЖЧ-2018 ўйинларини кўриш учун очлик эълон қилишди

Аргентинада Пуэрто-Мадрин шаҳридаги қамоқхоналарда сақланувчи маҳбуслар футбол бўйича 2018 йилги жаҳон чемпионати ўйинларини кўришга рухсат беришлари учун очлик эълон қилишди.

Publimetro маълумотига кўра, қамоқхонада уч кундан бери телевизион кабель бузилган ҳолда турибди, уни қамоқхона ходимлари тузатишдан бош тортишмоқда.

«Биз овқат истеъмол қилмаслик ҳақида қарор қабул қилдик, бу телевизион кабель билан боғлиқ муаммо ҳал қилиб берилмагунга қадар давом этади», - дея маълум қилишган маҳбуслар ўз норозиликларида.

Шаҳар суди бундай мурожаатни кўриб чиқишдан бош тортган.

ЖЧ-2018 Россияда 14 июндан 15 июлга қадар бўлиб ўтади. Аргентина терма жамоаси D гуруҳида Исландия, Хорватия ва Нигерия билан куч синашади.

Эслатиб ўтамиз, аввалроқ сунъий идрок ЖЧ-2018 натижаларини тахмин қилганди.