Хакерлар iPhone’ни алдашнинг навбатдаги усули ҳақида маълум қилишди

IPhone смартфонлари ҳимоясини алдаш учун унга ташқи қурилмани улаш етарлилик қилади. Бу ҳақда хакерлар сўзлаб беришган.

Маълумки, телефонни блокдан чиқариш кодини 10 марта киритиш мумкин. Агар киритишлар 10 тадан ошса, унда смартфондаги барча маълумотлар автоматик равишда ўчириб юборилади. Бироқ айфонга ташқи клавиатура уланганда, операцион тизим кодни чексиз кўп киритишга имкон берган. Бунинг эвазига эса барча 9999 та комбинацияни киритиб чиқиш мумкин. 

Хакерларнинг ҳисоб-китобига кўра, 4 рақамли кодни топиш энг кўпи билан 10 соатча, 6 рақамли кодни топиш учун эса бир неча ҳафта кетиши мумкин.