2026 йил биринчи чорагидаги энг яхши смартфонлар маълум қилинди

Tom's Guide портали мутахассислари 2026 йил биринчи чорагидаги энг яхши смартфонлар рўйхатини тузишди. Ушбу рўйхатда энг юқори ўрин iPhone 17 Pro Max'га насиб этди.

Мутахассисларнинг фикрича, ушбу смартфонда юқори даражадаги ҳисоблаш қуввати, узоқ вақт ишлайдиган батарея, қулай интерфейс ва сифатли камера муваффақиятли уйғунлашган. Қурилмани харид қилган фойдаланувчи юқори тезкорлик ва мукаммал дизайнга эга бўлади.

Samsung Galaxy S26 Ultra Android тизимидаги энг яхши смартфон деб топилди. У катта экран ва зум функциясига эга кучли камераси билан ажралиб туради.

Ўрта нарх сегментида энг яхшиси деб Google Pixel 10a эътироф этилди — у сунъий интеллект имкониятлари билан ажралиб туради.

Google Pixel 10 Pro энг “ақлли” смартфон сифатида қайд этилди. Бунга унинг такомиллаштирилган камераси ва нейромодули сабаб бўлган.

Apple қурилмалари ичида энг уйғунлашган модел — iPhone 17, Android смартфонлар ичида эса — OnePlus 15 бўлди.

Энг яхши арзон камерали смартфон деб Google Pixel 10 топилди. Энг чиройли дизайнга эга қурилма сифатида Nothing Phone 4a Pro қайд этилди.

Букланадиган смартфонлар орасида етакчи — Samsung Galaxy Z Flip 7, энг юпқа смартфон эса — iPhone Air.