Уругвай терма жамоаси ҳужумчиси Эдинсон Кавани ЖЧ-2018 плей-оффида Португалия дарвозасига икки гол урди. У боши ва оёқлари билан Европа чемпионларини муддатидан аввал уйига равона қилди.
Ўйиннинг 71-дақиқасида эса ҳужумчи оқсоқлана бошлади ва ўйинни давом эттира олмади.
Уни майдондан ташқарига Португалия термаси сардори Криштиану Роналду қўлтиқлаганча кузатиб қўйди.
Роналдунинг бу ҳаракати мухлислар олқишига сазовор бўлди.
Қолган вақтни Каванисиз давом эттирган Уругвай рақиб ҳужумларни кучайтирган бўлсада, ғалабани сақлаб қолди (2:1).
Ҳозирча Каванининг жароҳати даражаси маълум эмас. Захира ўриндиғида у тиззасига муз қўйиб ўтирди. Бу кичик шикастланиш ҳам бўлиши мумкин.
