Финляндиянинг энг йирик нашри Путин ва Трампга очиқ хат эълон қилди

Финляндиянинг энг йирик нашри ҳисобланмиш Helsingin Sanomat газетаси Россия президенти Владимир Путин ва АҚШ президенти Дональд Трампга уларнинг Хельсинкидаги учрашувлари арафасида очиқ хат эълон қилди. У нашр саҳифаларида учта: фин, рус ва инглиз тилларида чоп этилди.

«Юқори даражада ўтказиладиган учрашув Финляндия халқининг ёдига ўтган йиллардаги ана шундай учрашувларни солади, — деб ёзади журналистлар ва Хельсинкидаги учрашувлар якунида давлатлар раҳбарларининг юзларида табассум пайдо бўлганини қайд этишади. — Бу ҳолатнинг ўз номи ҳам бор: «Хельсинки руҳи».

Унда воқеанинг муҳимлиги таъкидланади, муаллифларнинг фикрича, Россия ва АҚШ муносабатларининг «доимий беқарорлиги»дан ҳеч ким ютмайди.

Журналистлар давлат раҳбарларининг учрашуви якунлари ҳақида олдиндан бирор нарса айтиш қийин деб ҳисоблашади. Шу билан бирга улар президентлар «Европа масалаларини европаликларнинг иштирокисиз ҳал қилмасликлари»га умид қилишади.

Эслатиб ўтамиз, Россия ва АҚШ раҳбарларининг учрашуви 16 июль куни Хельсинкида бўлиб ўтади.