Time нашри Трамп ва Путиннинг юзидан “қоришма юз” ҳосил қилди

Фото:Twitter /Time

АҚШнинг Time журнали ўз муқовасида АҚШ ва Россия президентлари Дональд Трамп ва Владимир Путин юзининг қоришма суратини жойлади. Бу ҳақда нашр сайтида маълум қилинди.

Журналнинг ушбу сурат акс этган сони 30 июлда босилиши кутилмоқда.

Шунингдек, нашр твиттердаги саҳифасида Трампнинг юзи Путиннинг юзига айланувчи видеони жойлаштирган.

Хабарда айтилишича, “қоришма юз”ни икки етакчининг Хельсинкидаги учрашувидан илҳомланиб рассом Нэнси Бурсон ҳосил қилган. Рассомнинг айтишича, у бу сурат билан Путин ва Трампнинг ўхшашлигини кўрсатмоқчи бўлган.

TIME’s new cover: Trump wanted a summit with Putin. He got way more than he bargained for https://t.co/sUu9gGKmmP pic.twitter.com/qq6iOjlis1
— TIME (@TIME) July 19, 2018