Тожикистонда террорчилик ва порахўрлик учун жазо кучайтирилади

Фото: Tengrinews

Тожикистон президенти Эмомали Раҳмон бир қатор қонунларни имзолади, деб хабар берди мамлакат президентининг матбуот хизмати.

У хусусан, интернет орқали террорчилик тусидаги жиноятларни содир этишга оммавий равишда даъват қилганлик ёки террорчилик ҳаракатини оқлаганлик учун жиноий жавобгарликка тортиш бўйича Жиноят кодексига киритилган ўзгартиришларни маъқуллади.

Шунингдек, коррупцияга қарши курашиш ва республика қонунчилигини халқаро ҳужжатларга мувофиқлаштириш мақсадида Жиноят кодексига ўзгартириш ва қўшимчалар киритилди. Унга кўра, эндиликда оғирлаштирувчи ҳолатларда пора олганлик учун жарима эмас, озодликдан маҳрум қилиш жазоси қўлланилади.