Tashkent City ХИМ - миллийлик ва инновацион ечимларнинг уйғунлиги

Дунёдаги йирик марказларининг архитектура мисолларини мамлакатимизнинг миллий ўзига хослигимиз нуқтаи назаридан кўрмоқчимисиз? Ҳаётнинг ҳар бир лаҳзасини ҳис қилган ҳолда бу муҳитдан нафас олиш унинг марказида бўлишни истаган бўлсангиз, Tashkent City ХИМ мисолида бунда иштирок этишингиз мумкин...

Tashkent City ХИМ келажак шаҳрини яратиш жараёнида энг олди шаҳарсозлик, иқтисодий ва бизнес қарашлар кесишган жойга айланмоқда. Инновацион лойиҳани амалга ошириш устида бутун дунёдан келган етакчи архитектор, лойиҳачи, дизайнерлар иш олиб боришяпти. Италия, АҚШ, Жанубий Корея, Сингапур каби мамлакатларнинг вакиллари яқин йилларда бу ерда энг дадил қарорларни ҳаётга татбиқ этишади.

Умуман олганда, маҳаллий лойиҳаларни ишлаб чиқишда хорижлик мутахассисларни иштирок этишга жалб этиш ўз навбатида юқори даражада белгиланган трендга айланиб бормоқда.

Яқиндагина Давлат раҳбари Германия фуқаросини Инновацион ривожлантириш вазирининг ўринбосари қилиб тайинлади. Шунингдек, Австрия, Туркия, Жанубий Кореядан келган мутахассислар турли йўналишлар бўйича маслаҳатчи вазифасида фаолият олиб боришмоқда.

Tashkent City ХИМ дунё стандартларига амал қилган ҳолда халқаро бошқарув тамойиллари ва прогнозлаштиришни ҳаётга татбиқ қилмоқда. Масалан, лойиҳани ривожлантиришнинг тижорат концепциясини ишлаб чиқиш ҳамда унинг хориждаги ўхшаш лойиҳалар билан солиштириш учун йирик Cushman & Wakefield халқаро компаниясига мурожаат қилинди.

Унинг хизматлар жамланмасига тижорат самарадорлигини ошириш, индекс ва индикаторлар мониторинги, шаҳар ва ҳудудларнинг инвестицияларни ўзига жалб этишини баҳолаш, шунингдек қўшни мамлакатлардаги кўчмас мулк бозорларининг тавсифи киради. Компания қурилиши режалаштирилган объектларнинг бозор қийматини баҳолади ва унинг фойда келтириш самарадорлигини таҳлил қилди, текширди ва юзага келиши мумкин бўлган хавфлар даражасини ўрганиб чиқди.

Бошқача қилиб айтганда Халқаро ишбилармонлик маркази самарали лойиҳа бўлиши учун нима қилиш керак? Тадбиркорлар сарфлаган маблағни қоплаши ва кетган харажатни “кўтариши” учун бир квадрат метр ижара нархи қандай белгиланади? Мамлакатнинг барча аҳолисини Инновацион Cityга ташрифини таъминлаш учун нима қилиш керак?

Юқоридаги масалаларга ижобий жавоб топиш учун хорижда улкан ишбилармонлик лойиҳаларни амалга оширган экспертлар мамлакатимизнинг иқтисодий ўзига хослигини бирма-бир ўрганишди, келажакда ривожланишнинг стратегиясини ишлаб чиқишди. Tashkent City ХИМ қуришда шу каби маълумотлар ҳисобга олинади.

Уни амалга оширишдан мақсад, фақат молиявий фойда олишни кўзламайди. Лойиҳа авваламбор, иқтисодий ўсишни тезлаштирувчи омиллардан бири бўлиб хизмат қилувчи иқтисодий ривожланиш институтини такомиллаштириш бўлса; бошқа томондан мамлакатимизга кириб келадиган сармоя учун самарали муҳитни таъминлашдир. Мамлакатимизга нисбатан узоқ муддатли ҳамкор сифатида сармоядорларнинг қизиқиши сезиларли даражада ортиб бормоқда.

Айни пайтда қонунчилик базаси мамлакат ривожланишига ўз ҳиссасини қўшишга қарор қилган маҳаллий ва хорижлик тадбиркорларнинг қизиқишларини таъминловчи яна бир ҳужжат билан тўлдирилди. Давлатимиз раҳбарининг шу йил 1 августда имзолаган № 5495-сонли фармойиши мамлакатдаги инвестицион муҳитни бир қатор имтиёз ва шарт-шароитлар яратиш орқали тубдан яхшилашни кўзда тутади.

Хорижлик мутахассисларни City қиёфасини яратишга таклиф этиш бугунги кунда оддий ҳолга айланди. Италия ва Германиядан келган архитекторлар, Туркиялик муҳандислар, сифатни назорат қилиш бўйича Россиядан келган назоратчилар ҳамда лойиҳачилар ишнинг бошиданоқ амалиётга ўз ғоя ва ташаббусларини татбиқ этишмоқда.

Tashkent City ХИМ шу тарзда барча йўналишлардаги халқаро экспертларнинг энг яхши тажрибаларини ўзида қамраб олмоқда. Таъкидлаш керакки, чиқарилган қарорлар ривожланган хорижий давлатлар қарорларига асосланган. Лойиҳа муаллифларининг айтишича, шаҳар миллий ўзига хослигини йўқотмайди. Мутахассислар шаҳарнинг шарқона жиҳатига урғу берган ҳолда унинг энг олди ривожланган шаҳарга айлантириш устида ишлашмоқда.

Реклама ҳуқуқи асосида