Интернетда Samsung Galaxy S10’нинг сурати пайдо бўлди

Samsung мобиль бўлинмаси раҳбари Дон-Жин Кох Хитой ОАВ билан суҳбатда компаниянинг бўлажак флагмани бўлган Galaxy S10 ташқи кўриниши билан илгаригилардан анча фарқ қилишини айтди. Интернетда янги смартфоннинг илк фотолари пайдо бўлди.

Суратдан англанишича, Galaxy S10’нинг олд камераси экран остида жойлашади, аммо ундан фойдаланилмаган вақтда камера кўринмасдан туради. Экранда ҳеч қандай суриладиган конструкция ёки ўйиқлар бўлмайди, смартфоннинг роми максимал даражада ингичка бўлади.

Маълум қилинишича, сурат ҳақиқий бўлмаслиги эҳтимоли ҳам мавжуд.

Аввалроқ Samsung компанияси Galaxy J смартфонларини ишлаб чиқаришдан воз кечмоқчилигини, уларнинг ўрнини Galaxy M туркумидаги смартфонлар эгаллаши ҳақида хабар қилинганди.