Афғонистоннинг Вардақ вилоятида “Толибон” жангарилари билан тўқнашувлар давомида камида 14 полициячи, жумладан маҳаллий полиция бошлиғи ҳалок бўлди. Бу ҳақда TOLOnews телеканали маълум қилди.
Маълум қилинишича, Саид Обод уездидаги баъзи назорат-ўтказиш пунктлари жангарилар томонидан босиб олинган. Таъкидланишича, тўқнашувлар давом этмоқда.
Толиблар 6 октябрь кечки вақт Кобулдан 85 км жанубда жойлашган Саид Обод уездига ҳужум қилишган.
“Толиблар яқинда қуриб битказилган назорат-ўтказиш пунктини вайрон қилишиб, шаҳарнинг баъзи қисмларида энергия таъминотини узиб қўйишган. Ҳукумат қўшинлари жангариларни шаҳарга қўймаслик учун уларга қарши уришмоқда”, деб маълум қилган Вардақ вилояти губернатори вакили Абдулраҳмон Мангал.