2018 йил 20 октябрь куни ташқи ишлар вазири собиқ ўринбосари Рустам Тўхтабоев 61 ёшида вафот этди. Бу ҳақда Ташқи ишлар вазирлиги хабар берди.
Рустам Тўхтабоев 1958 йил 5 август куни Тошкентда туғилган. 1980 йилда Тошкент давлат университетини тамомлаган. 1980-1986 йилларда Тошкент давлат университетида ўқитувчи, 1986-1996 йилларда Хориждаги ватандошлар билан дўстлик ва маданий алоқалар жамият ходими, 1996-1997 йилларда президент девонининг давлатлараро муносабатлар масалалари бўйича бош маслаҳатчи, 1997-2000 йилларда президент ҳузуридаги Миллий хавфсизлик кенгаши котиби ўринбосари, 2000-2005 йилларда ташқи ишлар вазири ўринбосари - ТИВ Ахборот-таҳлил бошқармаси бошлиғи бўлиб ишлаган.
2005 йилдан 2015 йилга қадар ташқи ишлар вазири ўринбосари - Ташқи сиёсий фаолият таҳлили ва стратегияси бош бошқармаси бошлиғи бўлган.
Р.Тўхтабоев 2004 йилда "Дўстлик" ордени билан тақдирланган.
Kun.uz таҳририяти марҳумнинг оила аъзолари ва яқинларига чуқур ҳамдардлик изҳор этади.