Путин ва Трамп Парижда мулоқот ўтказишини исташмади, бироқ улар кўришишди

Франция томони РФ ва АҚШ президентлари Владимир Путин ва Дональд Трамп учрашувини 11 ноябрь куни Парижда бўлиб ўтадиган тадбирлар доирасида ташкиллаштирмасликни «етарли тарзда сабот билан» сўраган. Бу ҳақда РФ президенти ёрдамчиси Юрий Ушаков «Россия-1» телеканалига берган интервьюсида маълум қилган, деб ёзади ТАСС.

Лекин шунга қарамасдан ишчи нонушта чоғида Трамп ва Путин мулоқот қилишга муваффақ бўлишган.

РФ президенти матбуот котиби Дмитрий Песковнинг айтишича, Трамп ва Путин Париждаги Елисей саройида бўлиб ўтган ишчи нонушта чоғида бир-бири билан саломлашишган ва хайрлашаётиб, бир-бирларига «Яна учрашгунча», дейишган.

«Тушлик чоғида бир-бирлари билан оёқда туриб саломлашишди. Музокара ўтказишга имконият бўлмади», — деди Песков. Матбуот котибининг сўзларига кўра, ишчи нонуштадан сўнг Путин халқаро Тинчлик форумига йўл олган.

«Трамп эса Елисей саройини тарк этди. Улар бир бирларига «Яна учрашгунча», дейишди», — дея қўшимча қилган Песков.