Brexit ҳақидаги хабарлар фонида фунт стерлинг «қулади»

Фото: REUTERS

Британиянинг Brexit ишлари бўйича вазири Доминик Рааб истеъфога чиққанлиги ҳақидаги хабарлардан сўнг, Британия фунт стерлинги қиймати кескин тушиб кетди. Бу ҳақда ExchangeRates хабар бермоқда.

Хабар қилинишича, Тошкент вақти билан соат 14:10да еврога нисбатан Британия фунт стерлинги қиймати 0,95% га пасайиб, 1,13693лик кўрсаткичга етди. Фунт стерлингнинг долларга нисбатан қиймати 0,92% га пасайиб, 1,28652ни ташкил этди.

Эслатиб ўтамиз, аввалроқ Brexit бўйича келишув режаси эълон қилинганди. Ўтиш даври муддати ҳам маълум бўлди.

Brexit шартлари бўйича Европа иттифоқи бош музокарачиси Мишель Барньенинг маълум қилишича, Британиянинг Европа иттифоқидан чиқиб кетганидан кейинги ўтиш даври 2020 йил 31 декабрга қадар давом этади.

#Brexit #фунт стерлинг