Қозоғистонда Ўзбекистон фуқароси ушланди. Унинг ичида марихуана бўлган
Қозоғистон Республикаси Миллий хавфсизлик қўмитаси Чегара хизмати матбуот хизмати хабарига кўра, Сариоғоч чегара отрядининг «Капланбек авто» чегара назорат бўлинмасида чегара назоратидан ўтиш чоғида гиёҳванд моддаларни қидириш учун махсус тайёрланган хизмат ити Ўзбекистоннинг 48 ёшли фуқаросини кўрсатган. Бу шахс ватанига қайтиб келаётган бўлган.
Қўл юки ва шахсий буюмларни кўздан кечириш чоғида гиёҳванд моддалар топилмади. Кейинчалик, сўроқ давомида аниқланишича, ушбу фуқаронинг ичида қуритилган марихуана билан тўлдирилган пакетча бўлган.
Экспертиза натижаларига кўра аниқланишича, ўсимлик марихуана бўлиб, унинг оғирлиги 13,5 граммни ташкил қилган.
Қўлга олинган фуқаро гиёҳванд модда билан биргаликда Сариоғоч ички ишлар бўлими ходимларига топширилди.
Эслатиб ўтамиз, аввалроқ Келес дарёси орқали Ўзбекистондан Қозоғистонга ўтмоқчи бўлган шахс ушланганди.
Мавзуга оид
08:30
Қозоғистоннинг Ўзбекистондаги элчиси “Дўстлик” ордени билан мукофотланди
16:07 / 19.09.2024
Қозоғистон 2022 йилдан бери 2,3 млрд долларлик активларни давлат ҳисобига қайтарди
12:30 / 17.09.2024
Шолц Қозоғистонда ҳамкорликни кучайтириш режалари ҳақида маълум қилди
18:55 / 16.09.2024