Тожикистонда "Богема рапсодияси" фильми намойиши тақиқланди

Иғвогарона саҳна кўринишлари мавжудлиги сабабли Тожикистонда "Богема рапсодияси" фильми намойиши тақиқланди. Бу ҳақда РИА Новости хабар қилди.

Брайан Сингернинг "Богема рапсодияси" фильми Queen рок-гуруҳининг фаолияти, унинг инқирози ва муваффақиятлари ҳақидаги автобиографик фильмдир.

"Намойиш фильмда мавжуд бўлган иғвогарона саҳна кўринишлари сабабли тақиқланди", деб маълум қилган "Тожикфильм" қошидаги лицензия бериш комиссияси вакили.

Тожикистонда барча хорижий фильмлар намойишидан олдин "Тожикфильм" қошидаги лицензия бериш комиссиясидан рухсатнома олиши лозим.