Москвадаги Третьяков галереясидан рассом Куинжи сурати ўғирлаб кетилди

Москвадаги Третьяков галереясидан рус рассоми Архип Куинжининг “Ай-Петри. Қрим” (1908) деб номланган сурати ўғирлаб кетилди. Таъкидланишича, ҳозирда музейда рассомнинг кўргазмаси бўлиб ўтмоқда.

Маълум қилинишича, жиноятчи музей ходими кўринишида суратни рамкасидан чиқариб, у билан қочиб кетган.

Ҳуқуқ-тартибот ходимларининг фикрича, жиноятчининг шериги бўлган. Иккинчи жиноятчи шеригини Mercedes машинасида кутиб турган. “Интерфакс” ахборот агентлигининг маълум қилишича, полиция ўғрининг фотороботини тузган. 

Ўғрилик гувоҳлар кўз ўнгида содир этилган, бироқ гувоҳлар шовқин кўтаришмаган. Таъкидланишича, жиноятчи музей ходимлари кўз ўнгида суратни илинган жойидан олиб, устун ортига ўтган ҳамда суратни рамкасидан чиқариб, зални тарк этган. 

Яна бир гувоҳ ўғри зиналар бўйлаб югураётганини кўрган.

Таъкидланишича, кўргазма музей хавфсизлик хизмати томонидан қўриқланган. Сурат 12 млн рублга суғурта қилинган бўлган.

27 январда рус пейзажчи рассоми Куинжи таваллуд кунининг 177 йиллиги нишонланди. Ўғирланган сурат 1898-1908 йиллар мобайнида яратилган.

2018 йил май ойида ҳам музейда яна бир шов-шувли жиноят содир этилган. Машҳур рус рассоми Илья Репиннинг “Иван Грозний ва унинг ўғли Иван” суратига вандал томонидан зарар етказилган.