Қўшимча функционаллар
-
Тунги кўриниш
Спорт | 11:23 / 07.02.2019
10228
1 дақиқада ўқилади
Рамос класcиколар рекордчиси бўлиш арафасида
Фото: REUTERS/Albert Gea
«Реал» сардори Серхио Рамос «Барселона»га қарши кечган Испания кубоги ярим финалининг илк учрашувида қатнашиб, сариқ карточка олди.
Ушбу баҳс Рамос иштирокида ўтган 40-класcико ўйини бўлди. У бу борада якка етакчиликни қўлга киритиш томон бормоқда: «Реал» ва «Барселона» тўқнашувларида Серхиодан кўпроқ ўйнаган уч футболчи бор – Манола Санчис (43та ўйин), Пако Генто ва Хави (42тадан). Бешинчи ўринда 38тадан ўйин ўтказган Андрес Иньеста ва Лионель Месси бормоқда.
Шунингдек, Рамос кеча «Эль клаcсико»ларда 23-маротаба огоҳлантирилди. У бу борадаги ўз рекордини яхшиламоқда.
Серхиодан кейинги ўриндаги Фернандо Йерронинг ҳисобида 20та сариқ карточка бор.
