Фото: Xinhua
Хитойга қарашли, Ойнинг тескари томонида бўлиб турган «Чанъэ-4» космик аппарати ва «Юйту-2» луноходи (Ойга тушириладиган ўзиюрар автоматик аппарат - таҳ.) уйқу режимига ўтиб қолди. Бу ҳақда РИА «Новости» WeChat миллий ижтимоий тармоғида эълон қилинган, Хитойнинг Ойни ўрганиш бўйича дастури маълумотларига асосан хабар бермоқда.
Мутахассисларнинг таъкидлашича, Ойдаги совуқ тунни ўтказиш мақсадида қурилмалар уйқу режимига ўтган. Кутилишича, «Чанъэ-4» 1 март куни, «Юйту-2» луноходи эса - 28 февраль куни «уйғонади».
Олимларнинг қўшимча қилишича, аппаратларнинг барча тизимлари одатдаги режимда ишлаяпти.
Эслатиб ўтамиз, аввалроқ Хитой космик аппарати Ойнинг тескари томонига қўнганди.
