Андрей Микляев «Сурхон» клубига бош мураббий қилиб тайинланди. Бу ҳақда термизликлар матбуот хизмати хабар беради.
Эслатиб ўтамиз, мавсум бошида «Сурхон»га Илҳом Мўминжонов бош мураббий бўлган эди. Аммо у ЎФА томонидан 1 йилга дисквалификация қилингач, ўрнини вақтинчалик Анвар Солиев эгаллади. Микляев келганидан сўнг, у спорт директори лавозимига ўтказилди.
Андрей Микляев асли сурхондарёлик бўлиб, 2016-2018 йилларда Тошкентнинг «Локомотив» клубида бош мураббий ва ёрдамчи мураббий бўлиб ишлаган, «ПРО» мураббийлик лицензиясига эга.
«Сурхон» клуби ўтган мавсумда Про-Лига А гуруҳида иштирок этиб, 4-ўринни эгаллаган эди.