Қўшимча функционаллар
-
Тунги кўриниш
Эрдўған C-400 мажмуасини сотиб олиш бўйича шартномани бекор қилмаслигини билдирди
Фото: Reuters
Туркия Россиядан С-400 зенит-ракета мажмуасини сотиб олиш бўйича шартномани бекор қилмайди, деди Туркия президенти Ражаб Таййип Эрдўған. Бу ҳақда Reuters хабар бермоқда.
«Биз Россия билан С-400 бўйича шартнома туздик ва ортга қайтишимиз ҳақида ҳеч қандай гап бўлиши мумкин эмас. Тамом-вассалом», — деди Эрдўған.
Унинг сўзларига кўра, Туркия АҚШдан Patriot тизимини сотиб олиш учун очиқ, фақат шартнома Туркия манфаатларига хизмат қилиши лозим.
Аввалроқ АҚШ расмийлари 15 февралгача Туркиядан огоҳлантиришга жавоб беришни сўраганди: агар Анқара Россия билан С-400 мажмуасини сотиб олиш бўйича шартномани бекор қилмаса, Вашингтон қиймати 3,5 млрд доллар турадиган Patriot ракета мажмуасини сотиб олиш ҳақидаги таклифини қайтариб олади.
Бундан ташқари, Lockheed Martin F-35 қирувчи самолётларини сотиб олиш бўйича ҳам келишув хавф остида қолиши, Туркияга қарши санкциялар киритилиши мумкинлиги айтилган.
Мавзуга оид
00:32 / 04.12.2022
Туркиянинг биринчи учувчисиз қирувчи самолёти синов парвозини муваффақиятли амалга оширди
00:54 / 03.12.2022
Туркиялик шарҳловчи ЖЧ-2022 ўйини танаффусида эфирдан четлатилди
11:10 / 28.11.2022
Ўзбекистон ва Туркия йирик логистика инфратузилма лойиҳаларини биргаликда амалга оширмоқчи
17:10 / 25.11.2022