Фото: REUTERS
Украина президенти Пётр Порошенко мамлакат ТИВ раҳбари Павел Климкинга Керч бўғозида содир бўлган воқеа туфайли Россияга қарши 124 саҳифадан иборат санкциялар тўпламини муҳокама қилиш учун халқаро ҳамкорлар билан бир қатор учрашувлар ўтказиш тўғрисида кўрсатма берди. Бу ҳақда «112 Украина» хабар қилмоқда.
Қайд этилишича, давлат раҳбари Хавфсизлик бўйича Мюнхен конференцияси якунлари бўйича шундай баёнот билан чиққан.
«Мен яқин вақт ичида, келаси ҳафта бошида Брюсселда, Украина билан саъй-ҳаракатлар мувофиқлаштириб олингач, санкциялар албатта қабул қилинади, деб ишонч билдираман», - деди Порошенко.
Эслатиб ўтамиз, аввалроқ Украина МДҲнинг иқтисодий комиссия тўғрисидаги келишувидан чиққанди.
