Журналист ва блогерлар учун мини-грантлар танлови эълон қилинди

«Ёшлар медиа маркази» ННТ журналист ва блогерлар учун мини-грантлар танловини эълон қилади.

Мини-грантлар бугунги ўзбек ёшлари ҳаётига оид таҳлилий-танқидий, ижтимоий сўров ёки статистик кўрсаткичларга асосланган, холис хулоса, ҳаққоний баҳо, амалий таклиф ва мулоҳазаларни ўз ичига олган, «тош босувчи» материаллар учун ажратилади.

Мини-грант олиш учун муаллиф қуйидагиларни тақдим этиши керак*:

- мавзу (материалдан ўрин оладиган асосий маълумотлар);

- ҳудуд (агар хизмат сафарига чиқиш зарурати бўлмаса шарт эмас);

- мини-грант суммаси;

- контакт маълумотлари. 

Мини-грант суммаси 500 минг сўмдан 1,5 миллион сўмгача. Материал муҳимлиги, қамров ҳудуди кенглигига қараб сумма миқдори кўпайиши мумкин.

Танловга келиб тушган энг маъқул таклифлардан ҳар ойда 10таси саралаб олинади ва уларга мини-грант ажратилади.

*Битта Word файлга ҳаммасини жамлаб юбориш зарур.

Телеграм рақам:  +99899 8981845