Эфиопияда йўловчи самолёт қулади. Унинг бортида 157 киши бор эди

CC BY 2.0 / ThierryB. / Boeing 737

Эфиопияда Ethiopian Airlines авиакомпаниясининг Boeing 737 русумли йўловчи самолёти қулаб тушди.

Мамлакат бош вазири Абий Аҳмад Алининг маълум қилишича, самолёт бортида 149 нафар йўловчи ва экипажнинг 8 аъзоси, жами 157 киши бўлган. Ҳалокатдан омон қолганлар борлиги ҳақида маълумот йўқ.

Рейс Эфиопия пойтахти Аддис-Абебадан Кения пойтахти Найробига йўл олганди.

Ҳукумат фожиа оқибатида яқинларини йўқотганларнинг яқинларига ҳамдардлик билдирган.