Туркиялик таниқли актёр Каан Урганжиўғли «Барон-2» фильмини суратга олиш жараёнида қатнашиш учун Ўзбекистонга келди. Kun.uz мухбири актёр билан унинг фильмда гавдалантираётган образи, «Барон-2» лойиҳаси ва Ўзбекистон-Туркия ўртасидаги муносабатлар тўғрисида суҳбатлашди.
Ижтимоий тармоқларда тарқалган трейлердаги Каан Урганжиўғли қатнашган эпизодлар томошабинлар томонидан катта қизиқишга сабаб бўлди.
Kun.uz мухбири туркиялик актёрдан унинг «Барон-2» фильмидаги образи ҳақида маълумот беришини сўради.
«Топширилган роль менга маъқул келди. Эҳсон образини ижро этаяпман. Асли чечен бўлган Эҳсоннинг ҳикояси Сурияда кечади. Сурия билан боғлиқ саҳналарда у кўринади. Укаси Суриядаги жангларга кетганидан кейин Эҳсон ҳам унинг ортидан Сурияга боради. Унинг мақсадлари эса умуман бошқача бўлади. Фильмдан кўриб оласиз, сирни буткул очишни истамайман» дея жавоб берган Каан Урганжиўғли.
Маълумот учун, «Барон-2» фильми Каан Урганжиўғли иштирокидаги илк хорижий фильм лойиҳаси бўлиб, бунгача у Amazon Prime'нинг «Жек Райан» сериалида суратга тушган.
Туркиялик актёр Каан Урганжиўғли билан суҳбатнинг тўлиқ шаклини Kun.uz’нинг YouTube ва Mover саҳифаларида томоша қилишингиз мумкин.
Видео: Mover (tas-ix)
Видео: Youtube
