Фото: Tribuna.uz
Туркия – Ўзбекистон ўйинидан сўнг ҳар икки жамоа бош мураббийлари иштирокида матбуот анжумани ўтказилди. Унда қатнашган Эктор Купер журналистларнинг саволларига жавоб берди.
«Туркия миллий жамоаси кучли эканини билардик. Лекин биз ҳар қандай ҳолатда ҳато қилмаслигимиз керак эди. Қанот ҳимоячиси иккита гол уриб кетди.
Биз янги футболчиларни синаяпмиз. Бугун прессингни ёриб ўтишга қийналдик. Биз илк марта бундай кучли прессингга қарши ўйнадик. Мен бугунги натижа ёмон бўлса-да, ўйиндан қониқдим десам бўлади. Қувондиқ ҳам яхши ўйнади, у ўз қанотидан ўтишларни амалга оширди. Биз прессинг тугашини сабр билан кутишимиз керак эди, лекин шошдик»,- деб Купернинг сўзларини келтирмоқда Tribuna.uz мухбири.
