2019/2020 ўқув йили учун олий таълим муассасаларига қабул жараёни бошланиши муносабати билан Call-марказ ташкил этилди. Бу ҳақда Олий ва ўрта махсус таълим вазирлигининг расмий телеграм-каналида хабар қилинди.
Мазкур марказ абитуриентлар ва уларнинг ота-оналарига қулайлик яратиш, уларни қизиқтирган саволларга жавоб беради ҳамда жорий этилган янгиликлар мазмун-моҳиятини кенг жамоатчилик эътиборига етказиб боради.
Фуқаролар (71) 246-16-04 телефон рақами орқали Call-марказ билан боғланиб, ўзларини қизиқтирган саволларига жавоб олишлари мумкин.
Аввалроқ Давлат хизматлари агентлиги абитуриентларнинг олий ўқув юртларига ҳужжат топширишлари тартиби ва тўлов миқдори ҳақида хабар берганди.
