“Ўзтрансгаз” Фарғонада журналистлар учун пресс-тур ўтказди

20 июнь куни “Ўзтрансгаз” АЖ Фарғона вилояти ҳудудий газ таъминоти филиалида “Куз-қиш мавсумига тайёргарлик. Газдан фойдаланишда хавфсизлик ва тежамкорлик омиллари” мавзуида Пресс-тур ва Республика семинари ташкил этди. Анжуманда “Ўзтрасгаз” АЖ маъсул ходимлари, мутахассислар, оммавий ахборот воситалари ҳамда кенг жамоатчилик вакиллари қатнашдилар.

Жамият тадбир давомида 2019-2020 йилларда куз-қишга тайёргарлик чора-тадбирлари, газдан хавфсиз ва оқилона фойдаланиш борасида журналистларга ахборот бериб, Фарғона шаҳридаги аҳоли хонадонларида фойдаланилаётган тежамкор ускуналар ва иситиш тизимлари, шунингдек, замонавий газ ускуналаридан фойдаланаётган тадбиркорлар фаолияти билан таништирув ўтказди.