Фото: RC Celta
«Барселона» яримҳимоячиси Денис Суарес «Сельта»га қайтди.
Виго шаҳри жамоаси расмий сайтида билдирилишича, 25 ёшли испан тиббий кўрикдан ўтиши билан 4 йиллик шартномага имзо чекади. Янги жамоасида у 6-рақамда ўйнайдиган бўлган.
«Барса» расмий сайтига кўра, клуб Денис Суаресни 12,9 млн еврога сотган, бунга бонуслар тариқасида яна 3,1 млн евро қўшилиши мумкин.
Маълумот учун, Суарес – «Сельта» тарбияланувчиси. У клубнинг асосий жамоасида ўйнамаган, 2011 йилда Галицияни тарк этиб, «Манчестер Сити», «Барселона», «Севилья», «Вильярреал» ва «Арсенал» каби клубларда тўп тепган.
