Фото: KUN.UZ
Фавқулодда вазиятлар вазирлиги сел хавфи ҳақида огоҳлантириш билан чиқди. Бу ҳақдаги хабар вазирлик сайтида эълон қилинди.
Қайд этилишича, 2019 йилнинг 3 июл куни Тошкент, Жиззах, Андижон, Наманган ва Фарғона вилоятларининг тоғ ва тоғолди ҳудудларида сел келиши хавфи мавжуд.
“Тоғ ва тоғолди ҳудудларида яшовчи аҳоли диққатига! Эҳтиёт чораларини кўришингизни, ҳамда авария ва бошқа нохуш ҳолатлар вужудга келганда, ФВВнинг 10-50 рақамига мурожаат этишингизни илтимос қиламиз”, - дейилади ФВВ хабарида.
