Порошенконинг бир кун аввал сўроқ қилиниш илтимоси рад этилди

Украина давлат терговлар бюроси директори Роман Трубанинг хабар қилишича, 25 июлга сўроққа чақиртирилган собиқ президент Пётр Порошенко 24 июлда бюрога келиб, бир кун аввал сўроқ қилинишини илтимос қилган.

“Собиқ президент узоқ муддатли таътилга кетиши муносабати билан унинг сўроқ қилиниши 25 июлда эмас, бугун ўтказилиши илтимоси билан мурожаат қилди”, деб ёзган Труба телеграм-каналда.

У гувоҳлар вақтини ҳурмат қилишини ва собиқ президентнинг сайлов кампанияси вақтида бандлигига тушуниш билан қарашини, бироқ Порошенко ҳам тушуниш билан қарашига ва 25 июлда сўроққа келишига умид қилишини айтган.

Труба Порошенконинг адвокатлари терговчи билан боғланиб, сўроқ санаси бўйича у билан келишиб олишлари мумкин бўлганини, бунинг учун Порошенко бюро директори олдига келиши шартмаслигини таъкидлаб ўтган. У, шунингдек, ким қачон сўроқ қилиниши бўйича кўрсатма бермаслигини айтган.