Фото: AP Photo/Rafiq Maqbool
Афғонистон пойтахти Кобул шаҳрида содир бўлган портлаш натижасида 18 киши ҳалок бўлди. Бу ҳақда Tolo News телеканали хабар берди.
Шунингдек, юздан ортиқ киши жароҳатлангани айтилмоқда.
Портлаш Кобул шаҳри ғарбида юз берган. Дастлабки маълумотларга кўра, ичида портловчи моддалар бўлган автомобилни портлатишдан мақсад полиция бошқармаларидан бирини йўқ қилиш бўлган.
Tolo News телеканалининг қайд этишича, портлаш учун жавобгарликни “Толибон” ҳаракати ўз зиммасига олган.
