Тест синовларининг ўн еттинчи куни ҳақида маълумот берилди

Давлат тест маркази олий таълим муассасаларига ўқишга кириш учун ўтказилаётган тест синовларининг ўн еттинчи куни ҳақида маълумот берди.

2019 йил 15 август куни Бухоро вилоятидаги 3 та катта сиғимли биноларда 1-сменадаги тест синовлари бир вақтда соат 08:00да бошланди.

Тест синовларида биринчи сменада жами 1 410 нафар абитуриент иштирок этиши белгиланган эди. Шундан:

- 1 382 нафар абитуриент тест синовларида иштирок этмоқда;
- 28 нафар абитуриент турли сабабларга кўра тест синовларига келмади.

Бундан олдин, бу йил 50 ёшдан ошган 672 нафар абитуриент имтиҳон топширгани хабар қилинганди.