“Алоқабанк” пойабзал ишлаб чиқаришга ихтисослаштирилган кластерлар ташкил этади

 Ҳозирги кунда Aкциядорлик тижорат “Алоқабанк” томонидан хорижий инвестицияларни жалб қилиш ва мамлакатимизда йирик инвестиция лойиҳаларини амалга ошириш имкониятларини ҳар томонлама ўрганиш борасида салмоқли ишлар амалга оширилмоқда.

Жорий йил 9 октябрь куни АТ “Алоқабанк” томонидан умумий қиймати 87 миллиард сўмлик лойиҳа амалга оширилиб, Тошкент чинни заводи фойдаланишга топширилган бўлса, эндиликда Республикамизнинг Бухоро ва Наманган вилоятларида пойабзал кластерлари яратиш устида ишланмоқда.

2019 йил 14 октябрда пойтахтимиз Тошкент шаҳрида AТ “Aлоқабанк” ва Пекин университетининг Янги таркибий иқтисодиёт институти ҳамкорлигида “Ўзбекистон Республикасида саноат парклари, кластерларнинг ривожланиши ва таркибий ўзгаришлар” мавзусидаги халқаро семинар ташкил этилди. Семинардан кўзланган асосий мақсад Ўзбекистонда пойабзал ишлаб чиқаришга ихтисослаштирилган кластерларни ташкил этишга қаратилди.

Айни дамда АТ “Алоқабанк” Пекин Университетининг Янги таркибий иқтисодиёт институти профессори Лин Йифу бошчилигидаги “Халқаро таҳлил маркази” билан ҳамкорликда "Ўзбекистонда пойабзал кластерини яратиш учун саноат паркларидан фойдаланиш" қўшма лойиҳаси амалга оширилмоқда. Уни амалга ошириш учун “Бунаф” МЧЖ ташкил этилган. Ушбу корхонанинг таъсисчилари - хусусий инвестор ва АТ “Алоқабанк” қошида ташкил этилган "Aлоқа Aктив" МЧЖ инвестицион компанияси ҳисобланади.

Лойиҳа 4 босқичга бўлинган бўлиб, 1-2-босқичлари Ўзбекистон ва Хитойда амалга оширилган. Яъни мамлакатимизнинг пойабзал ишлаб чиқариш салоҳиятини ўрганиш ва Хитой ишлаб чиқарувчиларини жалб қилиш ишлари олиб борилган. Ҳозирда 3-босқич семинар тарзида ўтказилмоқда. Бу орқали экспертларнинг фикри ўрганилади. Сўнгги босқичда эса лойиҳага доимий инвестициялар жалб қилиниши кутилмоқда.

Наманган ва Бухоро вилоятларида хорижий инвестиция асосидаги мазкур лойиҳа амалга оширилганидан сўнг 3,5 мингдан ортиқ янги иш ўрнини яратиш шунингдек, ҳар йили 2,0 млн жуфт экспортбоп оёқ қийимлари ишлаб чиқарилиши режалаштирилмоқда. 

Сайт: www.aloqabank.uz

Telegram: t.me/aloqabank.uz

Facebook: Facebook.com/aloqabank 

Instagram: Instagram.com/aloqabank.uz

Реклама ҳуқуқи асосида