Қўшимча функционаллар
-
Тунги кўриниш
Ҳонгконгда бир машинани қўйиш жойи рекорд нархга сотилди
Ҳонгконг кўчмас мулк бозорида янги рекорд ўрнатилди. South China Morning Post нашрининг хабар беришича, шаҳар марказидаги автотураргоҳда бир машинани қўйиш жойи 7,6 млн Ҳонгконг долларига (970 минг доллар) сотилди.
Гап 73-қаватли The Center биносида жойлашган ер ости автотураргоҳидаги стандарт жой ҳақида бормоқда. Машина қўйиш жойини шу бинода офисларга эга бўлган сармоячи сотиб олган. Унинг исми ошкор қилинмаган.
Таъкидланишича, ушбу бино бир йил аввал жаҳон кўчмас мулк бозорида рекорд нархга сотилган. У девелоперлар консорциумига 5,15 млрд долларга пулланган.
The Center осмонўпар биноси 1998 йилда қурилган бўлиб, замонавий бино шаҳардаги энг баланд бинолар ичида 5-ўринда туради. Бинода 40 дан кўпроқ тезюрар лифт ва 400 та машинага мўлжалланган ер ости автотураргоҳи мавжуд.
Ҳонгконгнинг тижорий кўчмас мулк бозори дунёдаги энг қимматбаҳоси ҳисобланади. Риелторлар тураржойлар, офислар, автотураргоҳлар ва савдо жойларининг бундай астрономик нархларини шаҳарда бўш ернинг танқислиги ва таклиф кам бўлган ҳолда талабнинг юқорилиги билан тушунтиришади.
Мавзуга оид
16:58 / 16.09.2024
Уй сотиб олишга қизиқиш пасайди, йиллик ўлчовда уй-жой савдоси 20,8 фоизга камайди – уй-жой бозори шарҳи
12:09 / 16.09.2024
Тошкент халқаро аэропорти автотураргоҳида таъмирлаш ишлари қурилиш жойи ўраб олинмай қилиняпти
00:28 / 06.09.2024
Ҳонгконгда «Яги» супертайфуни туфайли 100 дан ортиқ рейс бекор қилинди
18:31 / 30.07.2024