Тошкент халқаро аэропортида ДХХ Чегара қўшинлари ҳарбий хизматчилари томонидан ҳужжатларни назоратдан ўтказиш вақтида бир гуруҳ шахслар қўлга олинди.
ДХХ Чегара қўшинлари хабарига кўра, улар тақдим этган Малайзия давлатининг фуқаролик паспортлари текширилганда қалбаки эканлиги маълум бўлди. Тегишли орган вакиллари томонидан ўтказилган суриштирув ишлари натижасида ушбу шахслар аслида Шри-Ланка фуқаролари эканлиги аниқланган.
Қайд этилишича, бу шахсларга нисбатан тегишли чоралар кўрилди.
Бундан олдин, Эрон фуқаролари Италия паспорти билан Ўзбекистонга киришга урингани хабар берилганди.
