Америкалик боксчи Девин Хэйни доминиканлик Альфредо Сантьягони мағлуб этиб, WBC версияси бўйича ўрта вазн тоифасида жаҳон чемпиони унвонини биринчи марта ҳимоялади. Эътиборлиси, боксчи афсонавий Майк Тайсон каби бунга 20 ёшида эриша олди.
Америкалик Лос-Анжелесдаги Staples Center’да ўтган жангда етакчилик қилиб, рақибини 5-раундда нокдаунга жўнатишга ҳам улгурди.
Хэйни учун бу 24 та жангдаги 24-ғалаба бўлди, Сантьяго эса биринчи мағлубиятга учради.
Америкалик боксчи афсонавий ҳамюрти Майк Тайсоннинг натижасини қайтара олди: 20 ёшли Хэйни 21 ёшигача жаҳон чемпиони унвонини ҳимоялай олган 1986 йилдан бери биринчи боксчи бўлди.
“Мен ҳақиқий чемпион эканлигимни кўрсата олдим. Бу жанг мен учун яхши тажриба бўлади ва мен олға ҳаракат қилишни давом эттираман. 2020 йилда мен етакчи боксчилар билан жанг қилмоқчиман, мени барча чемпионлик унвонлари эгалари қизиқтиради. Мен улар билан жанг қилишга тайёрман ва буни иложи борича эртароқ бошлаган маъқул”, деб айтган боксчи.
Devin Haney rolls Santiago’s punches and nails him with a long counter right uppercut and knocks him down after following up. #HaneySantiago #KSIvsLoganPaul2 #boxing pic.twitter.com/hmwzOKlHCl
— Harry Zahn (@harry_zahn) November 10, 2019
Хейни вақтинчалик чемпионлик унвонини сентябрда россиялик Заур Абдуллаевга қарши жангда қўлга киритган. Кейинроқ у тўлақонли чемпион унвонигача кўтарилган.
Майк Тайсон илк чемпионлик камарини 1986 йил ноябрда WBC версияси бўйича жаҳон чемпиони Тревор Бербикка қарши жангда қўлга киритиб, оғир вазндаги энг ёш чемпионга айланган. Ўшанда “темир” Майк 20 ёшда бўлган.
