ADRENALINE RUSH янги қадоғининг тақдимоти бўлиб ўтди

3 январда Orient Motors шоу румининг иккинчи қаватида Adrenaline Rush янги банкасининг ёпиқ тақдимоти ўтказилди. Кечанинг асосий меҳмони эса таниқли боксчи Шаҳрам Ғиёсов бўлди. Тадбирда шунингдек, спортчилар, блогерлар, инфлюенсерлар ҳам иштирок этишди.

Кеча ёрқин лаҳзаларга бой бўлди, DJ Zaplavsky тадбирда йиғилганларга ажойиб кайфият тақдим этди. Street workout жамоаси акробатика элементларини намойиш этувчи флэшмоб тайёрлашди. Меҳмонларга эса Adrenaline Rush’дан тайёрланган ичимлик ва коктейллар улашилди. Шунингдек, турли таъмдаги, мазали егуликлар “кейтеринг” ҳам тақдим этилди.

Боксчи Шаҳрам Ғиёсов Adrenaline rush янги қадоғининг юзига айланди ва тадбирда янги банканинг тақдимоти билан биргаликда Adrenaline Rush видеоролигини ҳам намойиш этди. 

Меҳмонлар Абу-Дабининг виртуал Формула-1 трассасида пойга машинаси симулятори ёрдамида ҳақиқий драйвни синаб кўришди. Бундан ташқари, зарба кучи электрон ўлчов воситасида Шаҳрам Ғиёсовнинг рекорд даражасини янгилашга ҳаракат қилиб кўришди.

Катта экранда намойиш этилган Adrenaline Rush видеоролигида боксчи #SENBARCHASIGAQODIRSAN даъвати остида Шаҳрам Ғиёсовнинг муваффақият тарихи намойиш этилиши йиғилганларда катта таассурот қолдирди.

Adrenaline Rush логотипи туширилган катта торт кечанинг сўнгги сюрпризига айланди. Барча танловлар ғолиблари ҳам тақдирланди.

Энергетик ичимликларни ҳаддан зиёд истеъмол қилиш соғлиқ учун зарарли. 18 ёшга тўлмаган шахсларга тавсия этилмайди

Реклама ҳуқуқи асосида