Қозоннинг «Рубин» клуби ва 32 ёшли ўзбекистонлик ҳимоячи Виталий Денисов икки томоннинг розилиги асосида шартномани бекор қилишди, дея хабар бермоқда клуб расмий сайти.
«Крилья Советов» жамоасидан «Рубин» клубига 2019 йилнинг июнь ойида ўтган Виталий Денисов жамоаси сафида Премьер-лига доирасида 8 ўйинда, Россия кубоги доирасида эса битта баҳсда майдонга тушди. Виталий Денисов қишки трансфер ойнаси вақтида ўзига бошқа клуб топиши мумкин.
Эслатиб ўтамиз, Россия Премьер-лигаси биринчи даврасидан кейин 13-ўринда бораётган Татаристон клуби декабрь ойида Роман Шароновни истеъфога чиқариб, Леонид Слуцкийни бош мураббий этиб тайинлаганди.
