Ўзбекистонлик 33 ёшли ҳимоячи Виталий Денисов Россия қуйи лигаси клубида фаолият бошлади.
«Ротор» клуби Премьер-лигага чиққач, жамоани тарк этган Виталий Денисов «Томь» билан мавсум якунига қадар шартнома имзолади. Ўзбекистонлик ҳимоячи жамоа сафида 29-рақамда тўп сурадиган бўлди. Бу ҳақда клуб расмий сайти хабар берган.
Виталий Денисов фаолияти давомида ЦСКА, «Днепр», «Локомотив» Москва, «Рубин», «Крилья Советов» ва «Ротор» клуби шарафини ҳимоя қилган. Ўзбекистонлик футболчи «Локомотив» сафида Россия чемпиони ва кубоги соҳибига айланган.
Маълумот учун, Томск вилоятининг бош клуби ҳозирги пайтда Россия қуйи лигасида 22 жамоа орасида 21-ўринни эгаллаб турибди.
