Қўшимча функционаллар
-
Тунги кўриниш
Жаҳондаги етакчи нефть компанияларининг даромадлари қисқара бошлади
Жаҳондаги 12 та энг йирик нефть компаниясининг соф даромади 2019 йилда 40,4 фоизга қисқариб, маблағ кўринишида қарийб 64 миллиард АҚШ долларини ташкил этган, деб ёзмоқда Анадўлу агентлиги.
Булар — Американинг «ExxonMobil», «Chevron», «ConocoPhillips», «Halliburton», «Schlumberger» ва «Baker Hughes», Нидерландиянинг «Royal Dutch Shell», Британиянинг «British Petroleum», Франциянинг «Total», Италиянинг «Eni», Россиянинг «Роснефть» ва Норвегиянинг «Equinor» компанияларининг умумий кўрсаткичи.
Саудия Арабистонининг «Saudi Aramco» миллий нефть компанияси ҳали йиллик ҳисоботини эълон қилганича йўқ.
Бу компаниялар 2018 йилда 107,3 миллиард доллар ҳажмидаги соф фойдага эга бўлган эди
12 та компаниянинг умумий даромади ҳам ўтган йилда 8,5 фоизга қисқариб, 1,29 триллион долларни ташкил этган.
Ҳисобот даврида энг катта фойдани «Royal Dutch Shell» (15,84 млрд доллар), олган. Унинг ортидан «ExxonMobil» (14,34 млрд доллар) ва «Total» (11,83 млрд доллар) бормоқда.
