Қўшимча функционаллар
-
Тунги кўриниш
Трамп Путиннинг «ядровий бешлик» саммити ўтказиш бўйича таклифига рози бўлди
Вазирнинг сўзларига кўра, АҚШ президентидан ташқари, бу ташаббусни Франция раҳбари Эмманюэль Макрон ҳамда ХХР раиси Си Цзиньпин ҳам қўллаб-қувватлаган. Россия, Франция, Буюк Британия, АҚШ ва Хитой давлатлари раҳбарлари учрашувини ўтказиш ғояси Владимир Путин томонидан январь ойида таклиф этилганди.
АҚШ президенти Дональд Трамп «ядровий бешлик» учрашуви — Россия, АҚШ, Хитой, Франция ва Буюк Британия раҳбарлари иштирокидаги саммит ўтказиш таклифига розилик билдирди. Бу ҳақда РФ Ташқи ишлар вазири Сергей Лавров маълум қилган.
Лавровнинг сўзларига кўра, бу ташаббус Франция ва Хитой раҳбарлари томонидан ҳам маъқулланган. Россиялик вазир саммит вақти ва жойи айни вақтда келишилаётганини билдирган.
«Умид қиламизки, яқин вақтлар ичида бу борада келишувга эришамиз, ўшанда барча маълумотлар эълон қилинади», — дея Лавровнинг сўзларини келтирмоқда РИА Новости.
Вазирнинг сўзларига кўра, Путин саммитда иштирок этишга таклиф қилган давлатлар раҳбарлари «жаҳон ҳамжамиятини бирлашишга ва сафарбар этишга қодир бўлган етакчилар» ҳисобланишади.
У гап инсониятнинг омон қолиши ҳақида гап кетаётганини қўшимча қилган. «Экспертлар яна ядровий уруш бошланиши эҳтимоли ҳақида гапира бошлашди. Аммо бунга йўл қўйиб бўлмайди», — деган Лавров.
