Бутун дунё коронавирус билан курашаётган бир вақтда 7 апрелдан 8 апрелга ўтар кечаси турли шаҳарлар аҳолиси ажойиб манзарага — пушти супер Ой чиқишига гувоҳ бўлди. Бу ҳодисани айниқса Европа аҳолиси яхшироқ кўриш имконига эга бўлди.
Ернинг табиий йўлдоши Ой сайёрамизга одатдагидан 40 минг километр яқинроқ келди. Ой кутилганидек пушти тусга кирмади, аммо бу барибир пушти супер Ой ҳодисаси деб аталди. Бу атама АҚШ ва Канадада ўсадиган флокс ўсимлиги пушти рангда гуллаши билан бир вақтга тўғри келгани боис пайдо бўлган...
Пушти супер Ой одатдагидан 14 фоизга каттароқ ва 30 фоизга ёрқинроқ кўринади.