Швеция маликаси кўнгилли сифатида касалхонада ишламоқда

Швеция маликаси София мамлакат пойтахти Стокҳольмдаги касалхоналардан бирида кўнгилли сифатида ишлай бошлади. Бу ҳақда маҳаллий нашрлар хабар тарқатган. «Ҳазрати олиялари»нинг зиммасига жиҳозларни дезинфекция қилиш ва беморлар учун дори воситаларини тайёрлаш вазифаси топширилган. У беморларга яқинлашмай ишлайди.

Фото: Theguardian

Швеция шаҳзодаси Карл Филиппнинг 35 ёшли рафиқаси малика София мамлакатда коронавирусга қарши кураш кетаётган бир вақтда тиббиёт ходимларини қўллаб-қувватлаш учун шу қарорга келган.

Малика пойтахтдаги хусусий клиникалардан бирида ишламоқда ва уни бирданига ишга қабул қилишмаган. Малика 3 кун давомида бирламчи тиббиёт билимлари бериладиган махсус курсни ўтагач, вақтинча ишга олинган. Маълумот учун, Швеция қиролининг ягона ўғли бўлган валиаҳд Карл Филиппнинг рафиқаси малика София қирол оиласига келин бўлиб тушганига қадар модель бўлиб ишлаган.

Карантин жорий этилмаган дунёдаги кам сонли мамлакатлардан бўлган Швецияда айни дамда 14 мингга яқин одам коронавирус юқтирган. Касаллик 1 500 дан кўпроқ швецияликни ҳаётдан олиб кетди.

Тайёрлаган Ўткир Жалолхонов

#Швеция #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.